Επει δ' η μεν νικη Αγησιλαου εγενετο, τετρωμενος δ' αυτος προσηνεχθη προς την φαλαγγα, προσελασαντες τινες των ιππεων λεγουσιν αυτω οτι πολεμιων ως ογδοηκοντα συν τοις οπλοις υπο τω ναω εισι, και ηρωτων τι χρη ποιειν. Ο δε, καιπερ πολλα τραυματα εχων παντοσε και παντοιοις οπλοις, ομως ουκ επελαθετο του θειου, αλλ' εαν τε απερχεσθαι οποι βουλοιντο εκελευσε και αδικειν ουκ εια, και προπεμψαι επεταξε τους αμφ' αυτον ιππεις εστε εν τω ασφαλει εγενοντο. Επει γε μην εληξεν η μαχη, παρην δη θεασασθαι ενθα συνεπεσαν αλληλοις την μεν γην αιματι πεφυρμενην, νεκρους δε διεσπαρμενους, φιλιους και πολεμιους μετ' αλληλων, ασπιδας δε διατεθρυμμενας, δορατα συντεθραυσμενα, εγχειριδια γυμνα κολεων, τα μεν χαμαι, τα δ' ετι μετα χειρας. Τοτε μεν ουν, και γαρ ην ηδη οψε, συνελκυσαντες τους των πολεμιων νεκρους εισω φαλαγγος, εδειπνοποιησαντο και εκοιμηθησαν.


La traduzione è visibile ai soli utenti Registrati