Οι δ' εν Ιθωμη δεκατω ετει, ως ουκετι εδυναντο αντεχειν, ξυνεβησαν προς τους Λακεδαιμονιους εφ' ω εξιασιν εκ Πελοποννησου υποσπονδοι και μηδεποτε επιβησονται αυτης· ην δε τις αλισκηται, του λαβοντος ειναι δουλον. Ην δε τι και χρηστηριον τοις Λακεδαιμονιοις Πυθικον προ του, τον ικετην του Διος του Ιθωμητα αφιεναι. Εξηλθον δε αυτοι και παιδες και γυναικες, και αυτους οι Αθηναιοι δεξαμενοι κατ' εχθος ηδη το Λακεδαιμονιων ες Ναυπακτον κατωκισαν, ην ετυχον ηρηκοτες νεωστι Λοκρων των Οζολων εχοντων. Προσεχωρησαν δε και Μεγαρης Αθηναιοις ες ξυμμαχιαν Λακεδαιμονιων αποσταντες, οτι αυτους Κορινθιοι περι γης ορων πολεμω κατειχον και εσχον Αθηναιοι Μεγαρα και Πηγας, και τα μακρα τειχη ωκοδομησαν Μεγαρευσι τα απο της πολεως ες Νισαιαν και εφρουρουν αυτοι. Και Κορινθιοις μεν ουχ ηκιστα απο τουδε το σφοδρον μισος ηρξατο πρωτον ες Αθηναιους γενεσθαι.


La traduzione è visibile ai soli utenti Registrati