Σικελια ωκισθη δε ωδε το αρχαιον, και τοσαδε εθνη εσχε τα ξυμπαντα. Παλαι τατοι μεν λεγονται εν μερει τινι της χωρας Κυκλωπες και Λαιστρυγονες οικησαι ων εγω ουτε γενος εχω ειπειν ουτε οποθεν εσηλθον η οποι απεχωρησαν· αρκειτω δε ως ποιηταις τε ειρηται και ως εκαστος πη γιγνωσκει περι αυτων. Σικανοι δε μετ' αυτους πρωτοι φαινονται ενοικισαμενοι, ως μεν αυτοι φασι, και προτεροι δια το αυτοχθονες ειναι, ως δε η αληθεια ευρισκεται, Ιβηρες οντες και απο του Σικανου ποταμου του εν Ιβηρια υπο Λιγυων ανασταντες. Και απ' αυτων Σικανια τοτε η νησος εκαλειτο, προτερον Τρινακρια καλουμενη· οικουσι δε ετι και νυν τα προς εσπεραν την Σικελιαν. Ιλιου δε αλισκομενου των Τρωων τινες διαφυγοντες Αχαιους πλοιοις αφικνουνται προς την Σικελιαν, και ομοροι τοις Σικανοις οικησαντες ξυμπαντες μεν Ελυμοι εκληθησαν, πολεις δ' αυτων Ερυξ τε και Εγεστα.


La traduzione è visibile ai soli utenti Registrati