Εν τοις πρωτοι δε Αθηναιοι τον τε σιδηρον κατεθεντο και ανειμενη τη διαιτη ες το τρυφερωτερον μετεστησαν. Και οι πρεσβυτεροι αυτοις των ευδαιμονων δια το αβροδιαιτον ου πολυς χρονος επειδη χιτωνας τε λινους επαυσαντο φορουντες και χρυσων τεττιγων ενερσει κρωβυλον αναδουμενοι των εν τη κεφαλη τριχων αφ' ου και Ιωνων τους πρεσβυτερους κατα το ξυγγενες επι πολυ αυτη η σκευη κατεσχεν. Μετρια δ' αυ εσθητι και ες τον νυν τροπον πρωτοι Λακεδαιμονιοι εχρησαντο και ες τα αλλα προς τους πολλους οι τα μειζω κεκτημενοι ισοδιαιτοι μαλιστα κατεστησαν. Εγυμνωθησαν τε πρωτοι και ες το φανερον αποδυντες λιπα μετα του γυμναζεσθαι ηλειψαντο· το δε παλαι και εν τω Ολυμπικω αγωνι διαζωματα εχοντες περι τα αιδοια οι αθληται ηγωνιζοντο, και ου πολλα ετη επειδη πεπαυται. Ετι δε και εν τοις βαρβαροις εστιν οις νυν, και μαλιστα τοις Ασιανοις, πυγμης και παλης αθλα τιθεται, και διεζωμενοι τουτο δρωσιν. Πολλα δ' αν και αλλα τις αποδειξειε το παλαιον Ελληνικον ομοιοτροπα τω νυν βαρβαρικω διαιτωμενον.


La traduzione è visibile ai soli utenti Registrati