Πρωτοι δε Κορινθιοι λεγονται εγγυτατα του νυν τροπου μεταχειρισαι τα περι τας ναυς, και τριηρεις εν Κορινθω πρωτον της Ελλαδος ναυπηγηθηναι. Φαινεται δε και Σαμιοις Αμεινοκλης Κορινθιος ναυπηγος ναυς ποιησας τεσσαρας· ετη δ' εστι μαλιστα τριακοσια ες την τελευτην τουδε του πολεμου οτε Αμεινοκλης Σαμιοις ηλθεν. Ναυμαχια τε παλαιτατη ων ισμεν γιγνεται Κορινθιων προς Κερκυραιους· ετη δε μαλιστα και ταυτη εξηκοντα και διακοσια εστι μεχρι του αυτου χρονου. Οικουντες γαρ την πολιν οι Κορινθιοι επι του Ισθμου αιει δη ποτε εμποριον ειχον, των Ελληνων το παλαι κατα γην τα πλειω η κατα θαλασσαν, των τε εντος Πελοποννησου και των εξω, δια της εκεινων παρ' αλληλους επιμισγοντων, χρημασι τε δυνατοι ησαν, ως και τοις παλαιοις ποιηταις δεδηλωται· αφνειον γαρ επωνομασαν το χωριον. Επειδη τε οι Ελληνες μαλλον επλωζον, τας ναυς κτησαμενοι το ληστικον καθηρουν, και εμποριον παρεχοντες αμφοτερα δυνατην εσχον χρηματων προσοδω την πολιν.


La traduzione è visibile ai soli utenti Registrati