Τουτω τω τροπω οι Αθηναιοι την πολιν ετειχισαν εν ολιγω χρονω. Και δηλη η οικοδομια ετι και νυν εστιν οτι κατα σπουδην εγενετο· οι γαρ θεμελιοι παντοιων λιθων υποκεινται και ου ξυνειργασμενων εστιν η, αλλ' ως εκαστον ποτε προσεφερον, πολλαι τε στηλαι απο σηματων και λιθοι ειργασμενοι εγκατελεγησαν. Μειζων γαρ ο περιβολος πανταχη εξηχθη της πολεως, και δια τουτο παντα ομοιως κινουντες ηπειγοντο. Επεισε δε και του Πειραιως τα λοιπα ο Θεμιστοκλης οικοδομειν (υπηρκτο δ' αυτου προτερον επι της εκεινου αρχης ης κατ' ενιαυτον Αθηναιοις ηρξε) νομιζων το τε χωριον καλον ειναι, λιμενας εχον τρεις αυτοφυεις, και αυτους ναυτικους γεγενημενους μεγα προφερειν ες το κτησασθαι δυναμιν (της γαρ δη θαλασσης πρωτος ετολμησεν ειπειν ως ανθεκτεα εστι), και την αρχην ευθυς ξυγκατεσκευαζεν.


La traduzione è visibile ai soli utenti Registrati