Παραλαβοντες δε οι Αθηναιοι την ηγεμονιαν τουτω τω τροπω εκοντων των ξυμμαχων δια το Παυσανιου μισος, εταξαν ας τε εδει παρεχειν των πολεων χρηματα προς τον βαρβαρον και ας ναυς· προσχημα γαρ ην αμυνεσθαι ων επαθον δηουντας την βασιλεως χωραν. Και Ελληνοταμιαι τοτε πρωτον Αθηναιοις κατεστη αρχη, οι εδεχοντο τον φορον ουτω γαρ ωνομασθη των χρηματων η φορα. Ην δ' ο πρωτος φορος ταχθεις τετρακοσια ταλαντα και εξηκοντα. Ταμιειον τε Δηλος ην αυτοις, και αι ξυνοδοι ες το ιερον εγιγνοντο. Ηγουμενοι δε αυτονομων το πρωτον των ξυμμαχων και απο κοινων ξυνοδων βουλευοντων τοσαδε επηλθον πολεμω τε και διαχειρισει πραγματων μεταξυ τουδε του πολεμου και του Μηδικου, α εγενετο προς τε τον βαρβαρον αυτοις και προς τους σφετερους ξυμμαχους νεωτεριζοντας και Πελοποννησιων τους αιει προστυγχανοντας εν εκαστω. Εγραψα δε αυτα και την εκβολην του λογου εποιησαμην δια τοδε, οτι τοις προ εμου απασιν εκλιπες τουτο ην το χωριον και η τα προ των Μηδικων Ελληνικα ξυνετιθεσαν η αυτα τα Μηδικα· τουτων δε οσπερ και ηψατο εν τη Αττικη ξυγγραφη Ελλανικος, βραχεως τε και τοις χρονοις ουκ ακριβως επεμνησθη. Αμα δε και της αρχης αποδειξιν εχει της των Αθηναιων εν οιω τροπω κατεστη.


La traduzione è visibile ai soli utenti Registrati