Χρονος δε ο ξυμπας εγενετο οσον οι ανδρες εν τη νησω επολιορκηθησαν, απο της ναυμαχιας μεχρι της εν τη νησω μαχης, εβδομηκοντα ημεραι και δυο. Τουτων περι εικοσιν ημερας, εν αις οι πρεσβεις περι των σπονδων απησαν, εσιτοδοτουντο, τας δε αλλας τοις εσπλεουσι λαθρα διετρεφοντο. Και ην σιτος τις εν τη νησω και αλλα βρωματα εγκατεληφθη· ο γαρ αρχων Επιταδας ενδεεστερως εκαστω παρειχεν η προς την εξουσιαν. Οι μεν δη 'θηναιοι και οι Πελοποννησιοι ανεχωρησαν τω στρατω εκ της Πυλου εκατεροι επ οικου, και του Κλεωνος καιπερ μανιωδης ουσα η υποσχεσις απεβη· εντος γαρ εικοσιν ημερων ηγαγε τους ανδρας, ωσπερ υπεστη. Παρα γνωμην τε δη μαλιστα των κατα τον πολεμον τουτο τοις Ελλησιν εγενετο· τους γαρ Λακεδαιμονιους ουτε λιμω ουτ αναγκη ουδεμια ηξιουν τα οπλα παραδουναι, αλλα εχοντας και μαχομενους ως εδυναντο αποθνησκειν.


La traduzione è visibile ai soli utenti Registrati