Και καταλαμβανουσι την Σαλαμινιαν ναυν εκ των Αθηνων ηκουσαν επι τε Αλκιβιαδην ως κελευσοντας αποπλειν ες απολογιαν ων η πολις ενεκαλει, και επ' αλλους τινας των στρατιωτων των μετ' αυτου μεμηνυμενων περι των μυστηριων ως ασεβουντων, των δε και περι των Ερμων. Οι γαρ Αθηναιοι, επειδη η στρατια απεπλευσεν, ουδεν ησσον ζητησιν εποιουντο των περι τα μυστηρια και των περι τους Ερμας δρασθεντων, και ου δοκιμαζοντες τους μηνυτας, αλλα παντα υποπτως αποδεχομενοι, δια πονηρων ανθρωπων πιστιν πανυ χρηστους των πολιτων ξυλλαμβανοντες κατεδουν, χρησιμωτερον ηγουμενοι ειναι βασανισαι το πραγμα και ευρειν η δια μηνυτου πονηριαν τινα και χρηστον δοκουντα ειναι αιτιαθεντα ανελεγκτον διαφυγειν.


La traduzione è visibile ai soli utenti Registrati