Οι δε προεστωτες εν τη Σαμω και μαλιστα Θρασυβουλος, αιει γε της αυτης γνωμης εχομενος, επειδη μετεστησε τα πραγματα, ωστε καταγειν Αλκιβιαδην, και τελος απ εκκλησιας επεισε το πληθος των στρατιωτων, και ψηφισαμενων αυτων Αλκιβιαδη καθοδον και αδειαν πλευσας ως τον Τισσαφερνην κατηγεν ες την Σαμον τον Αλκιβιαδην, νομιζων μονην σωτηριαν ει Τισσαφερνην αυτοις μεταστησειεν απο Πελοποννησιων. Γενομενης δε εκκλησιας την τε ιδιαν ξυμφοραν της φυγης επητιασατο και ανωλοφυρατο ο Αλκιβιαδης, και περι των πολιτικων πολλα ειπων ες ελπιδας τε αυτους ου σμικρας των μελλοντων καθιστη, και υπερβαλλων εμεγαλυνε την εαυτου δυναμιν παρα τω Τισσαφερνει, ινα οι τε οικοι την ολιγαρχιαν εχοντες φοβοιντο αυτον και μαλλον αι ξυνωμοσιαι διαλυθειεν και οι εν τη Σαμω τιμιωτερον τε αυτον αγοιεν και αυτοι επι πλεον θαρσοιεν, οι τε πολεμιοι τω Τισσαφερνει ως μαλιστα διαβαλλοιντο και των υπαρχουσων ελπιδων εκπιπτοιεν.


La traduzione è visibile ai soli utenti Registrati