Φιλοκαλουμεν τε γαρ μετ' ευτελειας και φιλοσοφουμεν ανευ μαλακιας: πλουτω τε εργου μαλλον καιρω η λογου κομπω χρωμεθα, και το πενεσθαι ουχ ομολογειν τινι αισχρον, αλλα μη διαφευγειν εργω αισχιον. Ενι τε τοις αυτοις οικειων αμα και πολιτικων επιμελεια, και ετερα προς εργα τετραμμενοις τα πολιτικα μη ενδεως γνωναι: μονοι γαρ τον τε μηδεν τωνδε μετεχοντα ουκ απραγμονα, αλλ' αχρειον νομιζομεν, και αυτοι ητοι κρινομεν γε η ενθυμουμεθα ορθως τα πραγματα, ου τους λογους τοις εργοις βλαβην ηγουμενοι, αλλα μη προδιδαχθηναι μαλλον λογω προτερον η επι α δει εργω ελθειν. Διαφεροντως γαρ δη και τοδε εχομεν ωστε τολμαν τε οι αυτοι μαλιστα και περι ων επιχειρησομεν εκλογιζεσθαι: ο τοις αλλοις αμαθια και θρασος, λογισμος δε οκνον φερει.


La traduzione è visibile ai soli utenti Registrati