Σπονδας εποιησαντο Αθηναιοι και Λακεδαιμονιοι και οι ξυμμαχοι κατα ταδε, και ωμοσαν κατα πολεις. περιμεν των ιερων των κοινων, θυειν και ιεναι και μαντευεσθαι και θεωρειν κατα τα πατρια τον βουλομενον και κατα γην και κατα θαλασσαν αδεως. το δ' ιερον και τον νεων τον εν Δελφοις του Απολλωνος και Δελφους αυτονομους ειναι και αυτοτελεις και αυτοδικους και αυτων και της γης της εαυτων κατα τα πατρια. ετη δε ειναι τας σπονδας πεντηκοντα Αθηναιοις και τοις ξυμμαχοις τοις Αθηναιων και Λακεδαιμονιοις και τοις ξυμμαχοις τοις Λακεδαιμονιων αδολους και αβλαβεις και κατα γην και κατα θαλασσαν. οπλα δε μη εξεστω επιφερειν επι πημονη μητε Λακεδαιμονιους και τους ξυμμαχους επ' Αθηναιους και τους ξυμμαχους μητε Αθηναιους και τους ξυμμαχους επι Λακεδαιμονιους και τους ξυμμαχους, μητε τεχνη μητε μηχανη μηδεμια. ην δε τι διαφορον η προς αλληλους, δικαιω χρησθων και ορκοις, καθ' οτι αν ξυνθωνται.


La traduzione è visibile ai soli utenti Registrati