Χρωμεθα γαρ πολιτεια ου ζηλουση τους των πελας νομους, παραδειγμα δε μαλλον αυτοι οντες τινι η μιμουμενοι ετερους, και ονομα μεν δια το μη ες ολιγους αλλ' ες πλειονας οικειν δημοκρατια κεκληται, μετεστι δε κατα μεν τους νομους προς τα ιδια διαφορα πασι το ισον, κατα δε την αξιωσιν, ως εκαστος εν τω ευδοκιμει, ουκ απο μερους το πλεον εξ τα κοινα η απ' αρετης προτιμαται, ουδ' αυ κατα πενιαν, εχων δε τι αγαθον δρασαι την πολιν, αξιωματος αφανεια κεκωλυται. Ελευθερως δε τα τε προς το κοινον πολιτευομεν και ες την προς αλληλους των καθ' ημεραν επιτηδευματων υποψιαν, ου δί οργης τον πελας, ει καθ' ηδονην τι δρα, εχοντες, ουδε αξημιους μεν, λυπηρας δε τη οψει αχθηδονας προστιθεμενοι. Ανεπαχθως δε τα ιδια προσμιλουντες, τα δημοσια δια δεος μαλιστα ου παρανομουμεν, των τε αιει εν αρχη οντων ακροασει και των νομων, και μαλιστα αυτων οσοι τε επ' ωφελια, των αδικουμενων κεινται και οσοι αγραφοι οντες αισχυνην ομολογουμενην φερουσιν.


La traduzione è visibile ai soli utenti Registrati