Διαφερομεν δε καν ταις των πολεμικων μελεταις των εναντιων τοισδε. Την τε γαρ πολιν κοινην παρεχομεν και ουκ εστιν οτε ξενηλασιαις απειργομεν τινα η μαθηματος η θεαματος, ο μη κρυφθεν αν τις των πολεμιων ιδων ωφεληθειη, πιστευοντες ου ταις παρασκευαις το πλεον και απαταις η τω αφ' ημων αυτων ες τα εργα ευψυχω: και εν ταις παιδειαις οι μεν επιπονω ασκησει ευθυς νεοι οντες το ανδρειον μετερχονται, ημεις δε ανειμενως διαιτωμενοι ουδεν ησσον επι τους ισοπαλεις κινδυνους χωρουμεν. Τεκμηριον δε: ουτε γαρ Λακεδαιμονιοι καθ' εκαστους, μεθ' απαντων δε ες την γην ημων στρατευουσι, την τε των πελας αυτοι επελθοντες ου χαλεπως εν τη αλλοτρια τους περι των οικειων αμυνομενους μαχομενοι τα πλειω κρατουμεν: αθροα τε τη δυναμει ημων ουδεις πω πολεμιος ενετυχε δια την του ναντικου τε αμα επιμελειαν και την εν τη γη επι πολλα ημων αυτων επιπεμψιν: ην δε που μοριω τινι προσμειξωσι, κρατησαντες τε τινας ημων παντας αυχουσιν απεωσθαι και νικηθεντες υφ' απαντων ησσησθαι. Καιτοι ει ραθυμια μαλλον η πονων μελετη και μη μετα νομων το πλεον η τροπων ανδρειας εθελομεν κινδυνευειν, περιγιγνεται ημιν τοις τε μελλουσιν αλγεινοις μη προκαμνειν, και ες αυτα ελθουσι μη ατολμοτερους των αιει μοχθουντων φαινεσθαι, και εν τουτοις την πολιν αξιαν ειναι θαυμαζεσθαι.


La traduzione è visibile ai soli utenti Registrati