Ξυνελων τε λεγω την τε πασαν πολιν της Ελλαδος παιδευσιν ειναι και καθ' εκαστον δοκειν αν μοι τον αυτον ανδρα παρ' ημων επι πλειστ' αν ειδη και μετα χαριτων μαλιστ' αν ευτραπελως το σωμα αυταρκες παρεχεσθαι. Και ως ου λογων εν τω παροντι κομπος ταδε μαλλον η εργων εστιν αληθεια, αυτη η δυναμις της πολεως, ην απο τωνδε των τροπων εκτησαμεθα, σημαινει. Μονη γαρ των νυν ακοης κρεισσων ες πειραν ερχεται, και μονη ουτε τω πολεμιω επελθοντι αγανακτησιν εχει υφ' οιων κακοπαθει, ουτε τω υπηκοω καταμεμψιν ως ουχ υπ' αξιων αρχεται. Μετα μεγαλων δε σημειων και ου δη τοι αμαρτυρον γε την δυναμιν παρασχομενοι τοις τε νυν και τοις επειτα θαυμασθησομεθα, και ουδεν προσδεομενοι ουτε Ομηρου επαινετου ουτε οστις επεσι μεν το αυτικα τερψει, των δ' εργων την υπονοιαν η αληθεια βλαψει, αλλα πασαν μεν θαλασσαν και γην εσβατον τη ημετερα τολμη καταναγκασαντες γενεσθαι, πανταχου δε μνημεια κακων τε και αγαθων αιδια ξυγκατοικισαντες.


La traduzione è visibile ai soli utenti Registrati