Πρωτον τε ηρξε και ες ταλλα τη πολει επι πλεον ανομιας το νοσημα. Ραον γαρ ετολμα τις α προτερον απεκρυπτετο μη καθ' ηδονην ποιειν, αγχιστροφον την μεταβολην ορωντες των τε ευδαιμονων και αιφνιδιως θνησκοντων και των ουδεν προτερον κεκτημενων, ευθυς δε τακεινων εχοντων. Ωστε ταχειας τας επαυρεσεις και προς το τερπνον ηξιουν ποιεισθαι, εφημερα τα τε σωματα και τα χρηματα ομοιως ηγουμενοι. Και το μεν προσταλαιπωρειν τω δοξαντι καλω ουδεις προθυμος ην, αδηλον νομιζων ει πριν επ' αυτο ελθειν διαφθαρησεται: ο τι δε ηδη τε ηδυ πανταχοθεν τε ες αυτο κερδαλεον, τουτο και καλον και χρησιμον κατεστη. Θεων δε φοβος η ανθρωπων νομος ουδεις απειργε, κρινοντες εν ομοιω και σεβειν και μη εκ του παντας οραν εν ισω απολλυμενους.


La traduzione è visibile ai soli utenti Registrati