Αι ιερειαι Εστιαν την θεαν θεραπευουσαι, και δια τουτο Εστιαδες προσαγορευομεναι, κατ' αρχας μεν τεσσαρες ησαν υστερον δε, δια το πληθος των Ιερουργιων ας επετελουν, ησαν εξ και διαιταν ειχον παρα τω νεω, ενθα δι ημερας μεν ουδεις των βουλομενων εισερχεσθαι απειργετο, νυκτωρ δε ουδενι των αρρηνων εναυλιζεσθαι θεμις ην. Αναγκαιον δε ην αυτας τριακοντα ετων χρονον μενειν αγνας γαμων - αι δε την αγνειαν μη διαφυλασσουσαι θανατω εζημιουντο - θυηπολουσας και τα αλλα θρησκευουσας κατα τον νομον. Εν ω χρονω δεκα μεν ετη μανθανειν αυτας εδει, δεκα δ' επιτελειν τα ιερα, τα δε λοιπα δεκα διδασκειν τας νεωτερας παρθενους. Μετα τουτον τον χρονον ουδεν εκωλυε τας βουλομενας αποδυεσθαι τα στεμματα και τα λοιπο της ιερωσυνης παρασημα και γαμεισθαι.


La traduzione è visibile ai soli utenti Registrati