Καλον δ', οιμαι, τοις ευ φρονουσι μεγαλων πονων αντικαταλλαξασθαι την αθανατον ευφημιαν. Ηρακλης μεν γαρ ομολογειται παντα τον γενομενον αυτω κατ' ανθρωπους χρονον υπομειναι μεγαλους και συνεχεις πονους και κινδυνους εκουσιως, ινα το γενος των ανθρωπων ευεργετησας τυχη της αθανασιας· των δε αλλων αγαθων ανδρων οι μεν ηρωικων, οι δε ισοθεων τιμων ετυχον, παντες δε μεγαλων επαινων ηξιωθησαν, τας αρετας αυτων της ιστοριας απαθανατιζουσης. Τα μεν γαρ αλλα μνημεια διαμενει χρονον ολιγον, υπο πολλων αναιρουμενα περιστασεων, η δε της ιστοριας δυναμις επι πασαν την οικουμενην διηκουσα τον παντα ταλλα λυμαινομενον χρονον εχει φυλακα της αιωνιου παραδοσεως τοις επιγιγνομενοις.


La traduzione è visibile ai soli utenti Registrati