Την των Περσων δυναμιν απαντες ισμεν τηλικαυτην το μεγεθος γεγενημενην ου δια την των ανδρων φρονησιν, αλλ' οτι μαλλον των αλλων την βασιλειαν τιμωσιν. Ομοιως δε Διονυσιον τον τυραννον, οτι παραλαβων την μεν αλλην Σικελιαν αναστατον ουσαν, την δ' αυτου πατριδα πολιορκουμενην, ου μονον αυτην των παροντων κινδυνων απηλλαξεν, αλλα και την μεγιστην των Ελληνιδων πολεων εποιησεν. Ετι δε παντες ισασι τους Καρχηδονιους και Λακεδαιμονιους, τους αριστα των αλλων πολιτευομενους, οικοι μεν ολιγαρχουμενους, παρα δε τον πολεμον βασιλευομενους. Εχοι δ' αν τις δηλωσαι την πολιν την μαλιστα τας τυραννιδας μισουσαν, οταν μεν πολλους εκπεμψη στρατηγους, ατυχουσαν, οταν δε δι ενος ποιησηται τους κινδυνους, κατορθουσαν. Τοιγαρουν πως αν τις σαφεστερον δηλωσειεν η δια τοιουτων παραδειγματων πλειστου μοναρχιας αξιας ουσας;


La traduzione è visibile ai soli utenti Registrati