Εναντια πολλα τοις αλλοις Ελλησιν εποιησεν ο Λυκουργος εν τη Σπαρτη νομιμα. Εν μεν γαρ δηπου ταις αλλαις πολεσι παντες χρηματιζονται, οσον οιοι εισιν ο μεν γαρ γεωργει, ο δε ναυκληρει, ο δ' εμπορευεται, οι δε και απο τεχνων τρεφονται. Εν δε τη Σπαρτη ο Λυκουργος τοις ελευθεροις μεν των αμφι χρηματισμον απειπε μηδενος οπτεσθαι· οσα δ' ελευθεριαν ταις πολεσι παρασκευαζει, ταυτα αυτους εταξε μονον εργα αυτων νομιζειν. Και γαρ δη τι πλουτος εκει γε σπουδαστεος, ενθα, ισα μεν φερειν εις τα επιτηδεια, ομοιως δε διαιτασθαι ταξας, Λυκουργος εποιησε μη ηδυπαθειας ενεκα χρηματων ορεγεσθαι; Αλλα μην ουδ' ιματιων γε ενεκα χρηματιστεον. Ου γαρ εσθητος πολυτελεια, αλλα σωματος ευεξια οι Σπαρτιαται κοσμουνται.


La traduzione è visibile ai soli utenti Registrati