Ρηγουλον τον στρατηγον Ρωμαιων εαλωκοτα Καρχηδονιοι συν πρεσβεσιν οικειοις προς την Ρωμην εξεπεμπον, οιομενοι μετριαν τινα του πολεμου ευρησειν λυσιν και των αιχμαλωτων αντιδοσιν συνεργουντος του ανδρος. Ο δ' ελθων τας μεν συνηθεις τοις υπατικοις τιμας διεωσατο, ου μετειναι της πολιτειας αυτω λεγων αφ' ουπερ η τυχη δεσποτας αυτω Καρχηδονιους επεστησε, παρηνει δε τας διαλλαγας απειπασθαι, εις το ανελπιστον ηδη αφιγμενων των πολεμιων. Οι δε Ρωμαιοι αγασθεντες αυτον τους μεν πρεσβεις αποπεμπουσιν, αυτον δε κατεχειν ηβουλοντο. Ο δε ου μενετεον αυτω φησας εν πολει εν η της ισης ου μεθεξει κατα τους πατριους θεσμους πολιτειας, πολεμου νομω δουλευειν ετεροις ηναγκασμενος, ειπετο τοις Καρχηδονιοις εκουσιος, ενθα πολλαις και δειναις αικιαις αικισθεις ετελευτησεν.


La traduzione è visibile ai soli utenti Registrati